Святлана Ціханоўская прысутнічала на ўрачыстым набажэнстве ў Аахене

Набажэнства адправілі каталіцкі біскуп Аахена Гельмут Дызэр і Апостальскі экзарх для грэка-каталікоў у Нямеччыне і Скандынавіі біскуп Багдан (Дзюрах). На малітве яны згадалі беларускую дэмакратычную лідарку, а таксама цёпла прывіталі яе.

Набажэнства было прымеркаванае да ўручэння прэміі Карла Вялікага, якую атрымаў Прэзідэнт Украіны Уладзімір Зяленскі. Летась гэтую прэмію атрымалі Святлана Ціханоўская, Вераніка Цапкала і Марыя Калеснікава.

Прамаўляючы казань, біскуп Дызер у тым ліку згадаў і Беларусь:

???? «Людзі ў гэтых аўтарытарных ці таталітарных краінах таксама могуць прыяднацца да еўрапейскай ідэі пра імкненне жыць свабодна, дэмакратычна і мірна».

Ён таксама адзначыў, што рэлігія не павінна служыць дзяржаве:

????«Там, дзе дзяржава, нацыя і царква становяцца адным цэлым і перастаюць захоўваць крытычна-канструктыўную дыстанцыю адно ад аднаго, ёсць пагроза для чалавецтва».

@christianvision