З Раством Хрыстовым віншуе група «Хрысціянская візія»
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
Група «Хрысціянская візія» віншуе з Раством Хрыстовым усіх, для каго гэтае свята надыходзіць 7 студзеня.
Адзін з самых урачыстых момантаў праваслаўнага богаслужэння ў ноч Раства — спяванне прарочых слоў: «З намі Бог». І гэта сапраўды так — Ён прыйшоў да нас, каб застацца з намі назаўжды.
У адным са сваіх нядаўніх інтэрв’ю Святлана Алексіевіч адзначала, што ў сучаснай Беларусі чалавек адчувае сябе безабаронным, пакінутым усімі, у тым ліку і царквой, якая, здавалася б, павінна захінаць, абараняць людзей, заклікаючы да міру, справядлівасці і міласэрнасці. У гэтым ёсць пэўная рацыя. Але нават калі ад нас адвярнуліся тыя, хто прамаўляюць ад імя Бога, — Бог з намі.
Нованароджаны Сын Дзевы Марыі — гэта вобраз безабароннасці, у якой хаваецца Сіла, здольная перамагчы саму смерць. Цар Ірад можа здавацца ўсемагутным: сілавікі гатовыя выканаць любы ягоны загад, яго падтрымлівае імперскі Рым. Але апошняе слова застанецца не за Ірадам, а за Хрыстом.
Са святам, шаноўныя чытачы нашага канала! Міру, любові і шчасця вам і вашым блізкім!
