Стала вядома, каго КДБ трымаў у закладніках па справе Акалатовіча

Сёння мы апублікавалі новыя сведчанні пра справу ксяндза Генрыха Акалатовіча: як яго затрымалі, выклікаўшы на фэйкавыя пахаванні, як ціснулі ў СІЗА і як КДБ амаль дзевяць месяцаў трымаў двух яго прыхаджан фактычна ў якасці закладнікаў, каб прымусіць святара да прызнанняў.

Dissidentby высветліў, хто былі гэтыя людзі: 

• Рамуальд Вайніцкі, ваенны ў адстаўцы, і 
• Вікторыя Шанец, якая працавала ў Валожынскім раённым сацыяльна-педагагічным цэнтры. 

Іх адзінай «віной» было тое, што яны хадзілі ў адну парафію з ксяндзом.