Прайшоў суд над праваслаўнай верніцай, даследчыцай новамучанікаў Валерыяй Чарнаморцавай

18 кастрычніка 2022 года Валерыя была затрымана сілавікамі, у кватэры прайшоў вобшук. Яе адправілі на суткі, але потым перавялі ў СІЗА-1. 31 кастрычніка 2022 года яна прызнана праваабаронцамі палітзняволенай.

Валерыя праходзіла па «народным» 342-м артыкуле КК (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) за ўдзел у акцыях пратэсту ў 2020 годзе. Працэс у Савецкім судзе Мінска вяла суддзя Вольга Емяльянчанка.

Валерыі Чарнаморцавай суддзя дала 2,5 гады «хатняй хіміі».

Яе адпусцілі ў зале суда. З улікам адседжаных у СІЗА 3 месяцаў ёй застанецца 2 гады «хіміі».