«Рабіце дабро, шукайце справядлівасці». Трывае тыдзень малітвы аб адзінстве хрысціян

З гэтай нагоды, у суботу 21 студзеня ў мінскім катэдральным касцёле пройдзе экуменічнае набажэнства. Узначаліць падзею арцыбіскуп Юзаф Станеўскі.

Сёлетняя тэма экуменічнага тыдня прысвечана справядлівасці. “Не можа быць еднасці без справядлівасці. Молячыся аб еднасці, мы павінны прызнаць, што шмат людзей сутыкнуліся з рознымі формамі гвалту і ціску таксама з боку хрысціян”, — пішацца ў афіцыйнай брашуры.

“Калі Цэрквы злучаць свае галасы з галасамі пераследаваных, гэта зробіць іх заклік аб справядлівасці і вызваленні мацнейшым”, — заклікаюць арганізатараў экуменічных набажэнстваў, — “пратэсты і грамадскія неспакоі часта з’яўляюцца таму, што галасы пратэстуючых не слухаюць”.

Фота: catholic.by