Навалукомальскі пастар пасля 15 сутак арышту атрымаў яшчэ 15
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
Евангельскі пастар, бацька трох малалетніх дзяцей Аляксандр Зарэцкі зноў быў арыштаваны на 15 сутак, паведамляе «Віцебская вясна». Агулам ён быў асуджаны на 30 сутак. Як і ў мінулы раз нагодай да прыцягнення стаў «распаўсюд экстрэмісцкіх матэрыялаў» (ч. 2 арт. 19.11 КаАП). Гэтым палічылі фотаздымак яго з дзіцём на фоне БЧБ-сцяга, які суправаджаўся графічнымі выявамі лагатыпа TUT.BY, а таксама публікацыю з інтэрнэт-супольнасці «Радыё Свабода», з выявай паходні аранжавага колеру.
Нагадаем, у 2020-м Аляксандр Зарэцкі падпісаў калектыўны Адкрыты ліст хрысціян Беларусі супраць гвалту. У 2021-м у яго праводзілі ператрус з нагоды крымінальнай справы, у якой ён меў статус сведкі.
У 2022-м мясцовая Евангельская царква атрымала адмову ад Дэпартаменту па гуманітарнай дзейнасці на атрыманне «гуманітаркі».
