Цэрквы, касцёлы і Псалмы ў ТыкТоку новага ўпаўнаважанага

Паглядзелі ТыкТок Алега Дзячэнкі — на фоне іншых дэпутатаў і чыноўнікаў ён вылучаецца. Побач са звычайнай дэпутацкай і ідэалагічнай дзейнасцю там шмат роднай Магілёўшчыны, яе глыбінкі і рэлігійнага жыцця.

Дзячэнка заходзіць у цэрквы — найперш праваслаўныя, але паказвае і касцёлы. Наведвае набажэнствы, удзельнічаў у велікодным хрэсным ходзе, з веданнем віншуе гледачоў з царкоўнымі святамі. І нават цытуе Псалмы, звязваючы іх з падзеямі ўласнага жыцця.

А на Дзень беларускага пісьменства выступае з прамовай па-беларуску.