Чарговы акт вандалізму на каталіцкі касцёл
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
Гэтым разам былі выбіты шыбы ў шэрагу памяшканняў магілёўскай катэдры: пашкоджаны вокны прэзбітэрыя, капліц Маці Божай Бялыніцкай і св. Антонія, пакояў, дзе адбываюцца сустрэчы АА і Легіёна Марыі. Парафія звярнулася з заявай у мясцовы РАУС.
За апошнія гады выпадкі вындалізму каталіцкіх храмаў пачасціліся. У красавіку 2021 г. невядомыя праніклі ў касцёл у Навалукомлі і напісалі зняважлівыя словы на сценах прэзбітэрыя. Гэта быў адзіны выпадак, калі вінаватыя былі знойдзены.
У маі 2021 г. невядомыя пералезлі праз агароджу курыі Мінска-Магілёўскай архідыяцэзіі і пашкодзілі дамафон, выбілі шыбу ў аўто, перавярнулі кветкі, зламалі ліхтар. У ліпені 2021 г. быў абакрадзены касцёл св. Ігнацыя Лаёлы ў Віцебску. Невядомыя праніклі ў будынак і скралі правады электраправодкі і акустычнай сістэмы. Злачынцы не былі знойдзены.
У верасні 2022 года адбылося ўзгаранне ў Чырвоным касцёле ў Мінску. У выніку касцёл быў зачынены. Прычына ўзгарання пададзена не была.
Фота: catholic.by
