Рыгор Кастусёў: «Я ўпэўнены, што Гасподзь зробіць усё неабходнае, што ў Яго сілах»
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
«Я ўпэўнены, што Гасподзь зробіць усё неабходнае, што ў Яго сілах. Менавіта з Яго іменем я і трымаюся, перажываючы ўсе цяжкасці і болі».
Пісьменнік Аляксей Шэін паведаміў у сваім Фэйсбуку, што атрымаў чарговы ліст ад зняволенага старшыні Партыі БНФ Рыгора Кастусёва.
Палітык скардзіцца, што нягледзячы на анкалогію, яму дагэтуль адмаўляюць у хірургічным умяшальніцтве, хоць гэта і неабходна:
«На жаль, пытанне аб маім лячэнні так і не вырашылася да гэтай пары. Футболяць мяне ад адной установы да другой. Самае прыкрае, што ўсе пагаджаюцца аб неабходнасці тэрміновага хірургічнага ўмяшальніцтва, але справа ўвесь час тармазіцца ўжо амаль паўгода. Я ўпэўнены, што Гасподзь зробіць усё неабходнае, што ў Яго сілах. Менавіта з Яго іменем я і трымаюся, перажываючы ўсе цяжкасці і болі».
