Збор для беларускіх палітзняволеных жанчын да 8 сакавіка

8 сакавіка – Дзень салідарнасці жанчын у барацьбе за свае правы.

Сёння многія беларускі сутыкаюцца з цяжкасцямі: хтосьці застаецца за кратамі, хтосьці ўжо на волі, але мае патрэбу ў падтрымцы.

У знак салідарнасці Фонд «Краіна для жыцця» абвяшчае штогадовы дабрачынны збор для пацярпелых жанчын.

Акцыю арганізоўвае Служба «Хуткай гуманітарнай дапамогі» (фонд BYSOL, кампанія By_Help, фонд «Краіна для жыцця» і ініцыятыва Dissidentby).

Куды пойдуць сродкі?
– гігіенічныя сродкi
– лекі
– базавыя рэчы
– іншыя неабходныя прадметы

Як дапамагчы?
– зрабіць ахвяраванне ў любы зручны спосаб
– распаўсюдзіць інфармацыю ў сацыяльных сетках, калі гэта бяспечна для вас

Сума збору: € 8 000. На кожную жанчыну плануецца выдаткаваць каля 150 еўра.

Калі атрымаецца сабраць больш — яшчэ больш жанчын атрымаюць дапамогу.