Адстаўка Завальнюка – умова вяртання Чырвонага касцёла
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
Выданне «Белсат» раней паведамляла са спасылкай на звесткі ад каталіцкіх святароў, што адной з умовай вяртання Чырвонага касцёла вернікам можа быць патрабаванне адстаўкі пробашча Уладзіслава Завальнюка, які кіруе парафіяй з 1990 года, калі святыню перадалі вернікам пасля савецкай канфіскацыі.
У Чырвоным касцёле выданню паведамілі, што ксяндза Уладзіслава ўжо спрабавалі нядаўна перавесці пробашчам у парафію Ракава каля Менску. Але ён здолеў упэўніць, што «гэта будзе непрыгожа адносна нашай парафіі – пакінуць яе цяпер, у такі цяжкі момант». Тым не менш ракаўскую парафію пасля смерці мясцовага пробашча перадалі пад «шэфства» Чырвонага касцёлу.
Крыніцы «Хрысціянскай візія» пацвярджаюць інфармацыю і паведамляюць што кіраўніцтва Каталіцкага касцёла ужо шукае новага пробашча на замену кс. Завальнюку.
Нагадаем, што Чырвоны касцёл закрыты для вернікаў з 26 верасня 2022 года пасля падазронага інцыдэнту з нібыта пажарам у сакрыстыі.
