Ватыкан выпусціць марку да 30-годдзя дыпадносін з Беларуссю
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
Беларуская рэдакцыя ватыканскага радыё апублікавала выяву гэтага паштовага знаку. На ім будзе размешчаны афіцыйны беларускі герб і герб апостальскай сталіцы.
Варта ўзгадаць, што ў момант усталявання ватыканска-беларускіх дыпадносін афіцыйным гербам Беларусі была Пагоня. Аднак пасля рэферэндуму ў 1995 г. фактычна герб БССР быў вернуты як дзяржаўны сімвал.
Каталіцкі Касцёл у Беларусі за 30 год не выпрацаваў адназначнай пазіцыі ў справе дзяржаўнага герба і сцяга. Як свецкія, так і духоўныя асобы паралельна выкарыстоўваюць бел-чырвона-белы і чырвона-зялёны сцяг. Часта таксама беларускія дэлегацыі зусім не выкарыстоўваюць ніводзін са сцягоў. Гэта робіцца каб пазбягаць падзелаў сярод каталікоў.
