Аналітыка, каментарыіПа-беларускуРыма-Каталіцкая Царква

Святары ставяцца да арцыбіскупа Станеўскага абыякава, а той намагаецца ўзмацніць кантроль за імі

Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію».
Аб'ява аб заснаванні групы.
Місія групы.

Іншыя артыкулы

У чацвер, 23-га лютага, у Мінску адбылася велікапосная сустрэча святароў і манаскіх асоб. Падчас мерапрыемства мітрапаліт Мінска-Магілёўскі, наракаў на мясцовых ксяндзоў за іх стаўленне да сябе: «вы ж ведалі, што я быў хворы на Новы Год. І я чакаў, і думаў, можа хоць хто-небудзь дашле якую смску. Але так, як і вы кажаце, — “ніхто нікому”». Таксама іерарх звярнуў увагу, што святары не запаўняюць розныя анкеты высланыя яго біскупскімі вікарыямі яшчэ летась.

Апрача гэтага, падчас сустрэчы ўзгадвалася пра ўзмацненне ролі дэканаў у мясцовым Касцёле. Фактычна дэканы з’яўляюцца пасярэднікамі ў адносінах паміж пробашчамі парафій і біскупам і каардынуюць іх дзейнасць. Мітрапаліт Станеўскі патлумачыў, што гэта робіцца «дзеля ўзмацнення калегіяльнасці ў кіраванні мясцовым Касцёлам». Відавочна, што гэтыя змены дапамогуць арцыбіскупу палепшыць інфармаванасць пра стан справаў у парафіях і ўзмацніць кантроль за імі.

Некаторыя гэтага і асцерагаюцца, бо гэтыя змены дапамогуць кіраўніку Мінска-Магілёўскага Касцёла больш пільна сачыць за дзеяннямі святароў не толькі ў выкананні царкоўных прадпісанняў, але і ў ідэалагічным плане. У сітуацыі вострага недахопу святароў, іерарх не можа адпраўляць «неблаганадзейных» ксяндзоў за штат, як гэта робіцца ў БПЦ. А таму часткова вырашаць гэту праблему наяўнасці такіх святароў зможа менавіта ўзмацненне кантролю за імі.