Пяць польскіх святароў і аднаго манаха высылаюць з Беларусі
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
Пяць польскіх святароў і аднаго манаха высылаюць з Беларусі
Як даведалася «Хрысціянская візія», пяці каталіцкім святарам і аднаму манаху ў Мінска-Магілёўскай архідыяцэзіі, якія маюць польскае грамадзянства, улады адмовілі ў працягу дазволу на далейшае служэнне ў Беларусі.
Не ўзгоднены на служэнне:
— пробашч парафіі святога Аляксея ў Івянцы айцец Лех Баханэк;
— дэкан Стаўбцоўскага дэканату, пробашч парафіі Ўнебаўзяцця Найсвяцейшай Панны Марыі ў Налібоках ксёндз канонік Мар’ян Шэршань;
— дэкан Мядзельскага дэканату, пробашч парафіі святога Мікалая, біскупа ў Свіры ксёндз канонік Багуслаў Маджэеўскі;
— пробашч парафіі святога Андрэя Апостала ў Нарачы айцец Павел Ляліта;
— пробашч парафіі святога Францішка ў Салігорску айцец Сабеслаў Тамала;
— капуцын, які апошні год служыў у парафіі святога Казіміра ў Маладзечне, брат Войцех Врублеўскі.
Усе яны ўжо шмат гадоў працуюць у Беларусі, адзін з іх, айцец Лех Баханэк — болей за 25 гадоў. Ён прыехаў у Івянец у 2000 годзе, і з таго часу рэалізаваў шмат праектаў па рабоце з моладдзю, у тым ліку заснаваў «Музычную майстэрню».
Айцу Леху ўжо не працягвалі дазвол на служэнне 10 год таму, у 2016 годзе. Але затым, пасля розгаласу, улады адмянілі рашэнне і выдалі новы дазвол.
Нагадаем, раней стала вядома пра адмову ў дазволе на далейшае служэнне тром польскім святарам у Віцебскай дыяцэзіі, а да гэтага — двум святарам у Пінскай дыяцэзіі.
