Прадстаўнік «Хрысціянскай візіі» прыняў удзел у IX кангрэсе даследчыкаў Беларусі
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
1–3 кастрычніка 2021 г. у г. Коўна (Літва) прайшоў ІХ Кангрэс даследчыкаў Беларусі.
У рабоце панэлі «No politics without aesthetics!» (секцыя «Культура і культурныя даследаванні») прыняў удзел сябра группы «Хрысціянская візія» святар Аляксандр Шрамко з выступам «Сімвалічнае як палітычнае: Беларуская Праваслаўная Царква да і пасля выбараў».
У дакладзе разглядаўся феномен маніпуляцыі сімвалічнымі вобразамі і элементамі ў якасці інструменту палітычнай барацьбы з боку праўладнага афіцыёзу БПЦ і звязаных з ім прапагандыстаў. Гэтая маніпуляцыя дазваляе прасоўваць у публічным полі ад імя царквы ангажаваную палітычную павестку пры знарочыстам дэклараванні «няўдзелу царквы ў палітыцы». Робіцца гэта, з аднаго боку, дыскрэдытацыяй «з духоўнага пункту гледжання» сімвалаў, якія выкарыстоўваюцца ў пратэстах, а з іншага боку, выбудоўваннем сімвалічных асацыяцый і біблейскіх вобразаў для абялення рэжыму. Урэшце аказваюцца зняважанымі самі хрысціянскія сімвалы (напрыклад, бела-чырвона-белае спалучэнне колераў, гімн «Магутны Божа») і ўслаўляюцца сімвалы бязбожнай савецкай эпохі (чырвона-зялёны сьцяг і гімн БССР). Да аналагічных самавыкрывальніцкіх вынікаў прыводзіць і апеляцыя да біблейскіх вобразаў. Так, наконт ідэі аб «богаабранасці» дыктатара напрошваецца выснова аб фактычным прызнанні адсутнасці яго падтрымкі «няўдзячным народам».
