Касцёл рыхтуецца да новай рэдакцыі закона аб рэлігіях
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
У інтэрв’ю газеце «Слова Жыцця» кс. Андрэй Зноска, юрысконсульт Гродзенскай дыяцэзіі, канстатаваў: «Вядома, што калі рыхтуецца праект, то будзе і прыняцце новага закона». Святар анансаваў правядзенне І Усебеларускага форуму касцёльнага права. На ім будзе «ўсталёўвацца супрацоўніцтва паміж беларускімі дыяцэзіямі ў прававых пытаннях».
Патрэба падобнага фармату супрацы паміж каталіцкімі дыяцэзіямі выспявала ўжо даўно. Відавочна, што новая рэдакцыя закона аб рэлігіях была апошнім штуршком для Касцёла ў Беларусі. На яго думку «хутчэй за ўсё будзе праходзіць перарэгістрацыя парафій, якая стане добрай нагодай да перагляду і ўнясення паправак у парафіяльныя статуты». «Думаю, што пытанне мэтазгоднасці падрыхтоўкі адзіных парафіяльных статутаў для ўсёй Беларусі будзе ўдзелена асаблівая ўвага таксама і на будучым Усебеларускім форуме касцёльнага права», – падкрэсліў юрысконсульт Гродзенскай дыяцэзіі.
«Не магу сказаць, што праект новай рэдакцыі закона “Аб свабодзе сумлення і рэлігійных арганізацыях” выклікаў у мяне як у юрыста захапленне», – сказаў кс. Зноска, – «На мой погляд, праект вельмі сыры, да таго ж змяшчае шмат супярэчнасцей як з нормамі Канстытуцыі, так і з міжнародным заканадаўствам».
