«Але я веру ў Бога. І мяркую, што трэба хаця б не парушаць запаведзі»: выкладчыка-юрыста звальняюць з БДУ з-за подпіса пад антываенным зваротам
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
Дацэнт факультэта міжнародных зносін БДУ Аляксандр Данілевіч працуе ў вну ўжо 20 гадоў. Але яго «папрасілі».
Праекту «1906» сталі вядомы падрабязнасці справы. Ён падпісаўся пад антываенным зваротам адвакатаў і юрыстаў. І пачалося: спачатку праблемы ў адвакатуры, завялі дысцыплінарную вытворчасць, потым ужо і ў БДУ: размовы з загадчыцай кафедры і адным з намеснікаў дэкана. Яму нагадалі правілы ўнутранага распарадку, што маўляў нельга займацца палітычнай агітацыяй.
Але Аляксандр лічыць, што ён не займаўся палітыкай: «Я супраць вайны, гэта мая чалавечая, грамадзянская і хрысціянская пазіцыя, не лічу, што зрабіў нешта «экстрэмісцічэскае».
Вынік: звальненне праз сканчэнне кантракту (у канцы мая).
— Але я веру ў Бога. І мяркую, што трэба хаця б не парушаць запаведзі. Калі б мы не хлусілі хаця б — шмат чаго было б інакш.
