«Мартыралог Беларусі» на Кіпры
9 красавіка беларуская дыяспара Кіпра ў супрацоўніцтве з «Хрысціянскай візіяй» правялі ў г. Лімасоле выставу копій партрэтаў палітзняволеных аўтарства мастачкі Ксішы Ангелавай «Мартыралог Беларусі».
Дзякуючы беларускай кіпрскай дыяспары на выставе прадстаўлена каля сотні работ. «Хрысціянская візія» да гэтай падзеі падрыхтавала таксама інфармацыю пра маштаб рэпрэсій у Беларусі.
«Мартыралог Беларусі» — гэта цыкл партрэтаў беларусаў, палітвязняў і рэпрэсаваных ды забітых людзей рэжымам Лукашэнкі. Аўтарка — Ксенія Ангелава (творчы псеўданім – Ксіша Ангелава, інтэрвію з аўтаркай).
Праект запатрабаваны ў дыяспарах розных краін. «Хрысціянская візія» апекуецца калекцыяй і стварае анлайн-каталог выяваў.
