Ксёндз на нарах: Вячаслаў Барок пра суткі арышту

3 снежня каталіцкага святара з Расонаў Вячаслава Барка асудзілі на 10 сутак адміністрацыйнага арышту. Суд палічыў “дэманстрацыяй нацысцкай сімволікі” размешчаную ім у фэйсбуку працу мастака Уладзіміра Цэслера “Стоп лукашызм!”, на якой сапраўды прысутнічае выява нацысцкай свастыкі. Вось толькі сам аўтар сцвярджае, што яго карціна мае “антыфашысцкую і антытаталітарную скіраванасць”. Што ніяк не паўплывала на разуменне творчасці Цэслера прадстаўніком беларускай Феміды.

Ці можа сёння ў Беларусі святар заставацца па-за палітыкай? Ці гатовы быў ксёндз пайсці за свае перакананні ў турму? Як да рашэння суда паставілася кіраўніцтва каталіцкай царквы і шараговыя вернікі? Адказвае ксёндз-пробашч расонскага касцёла Святога Язафата Кунцэвіча Вячаслаў Барок.