«Хрысціянская візія» прызнаная «экстрэмісцкім фармаваннем» у Беларусі — рашэнне КДБ
Міжканфесійная ініцыятыва «Хрысціянская візія», якая з 2020 года асвятляе пераслед хрысціян у кантэксце палітычных рэпрэсій і вайны, 1 красавіка 2025 года была прызнаная «экстрэмісцкім фармаваннем» па рашэнні КДБ № 4/41-26 — «Аб прызнанні групы грамадзян экстрэмісцкім фармаваннем і забароне яе дзейнасці».
Паводле КДБ, да дзейнасці «Хрысціянскай візіі» маюць дачыненне Наталля Васілевіч, Наталля Гарковіч і Дзмітрый Карняенка. Ініцыятыва вядомая сваёй асветніцкай, дакументальнай і праваабарончай працай: яна збірае і публікуе сведчанні пра пераслед вернікаў і асвятляе хрысціянскую рэфлексію на выклікі гвалту, вайны і палітычнага прыгнёту.
