«Я заўсёды малілася»: сведчанні Галіны Дзербыш пра вытрымку ў зняволенні

Для Беларускай службы Польскага радыё былая палітзняволеная Галіна Дзербыш распавяла пра ўмовы свайго зняволення. На пытанне, што ёй дапамагала перанесці ўсе выправабаванні, яна адказала:

Я не ведаю… Я заўсёды раніцай і ўвечары падымала галаву ўверх і малілася. Гэта мне дапамагала. Прасіла ўсіх сваіх родных, якія ўжо памерлі, каб дапамагалі мне з таго свету. Вось толькі гэта і дапамагала. Ну і былі побач людзі, якія падтрымлівалі, казалі нейкае добрае слова.

Галіна Дзербыш была асуджаная на 20 гадоў па «справе Аўтуховіча». Вызваленая ў верасні 2025 года і вывезеная з Беларусі.