У двух вернікаў-палітвязняў з’явіліся «хросныя» ў нямецкім парламенце

У межах кампаніі #WeStandBYyou новыя «хросныя» з’явіліся ў двух беларускіх палітвязняў-вернікаў — пастара Алега Лойкі і каталіка Дзяніса Івашына.

«Хросным» Алега Лойкі стаў дэпутат Бундэстага Ларс Ровер з Хрысціянска-дэмакратычнага саюза. Дзяніса Івашына пад сваю апеку ўзяў Хольгер Ман з Сацыял-дэмакратычнай партыі Германіі.

У заяве кампаніі гаворыцца пра салідарнасць з беларускімі палітвязнямі і ўсімі, хто пакутуе ад рэпрэсій і пераследу з боку рэжыму Лукашэнкі.