Памёр паэт Канстанцін Севярынец
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
«Плачце з тымі, хто плача» (Рым. 12:15)
1 кастрычніка не стала беларускага паэта і журналіста Канстанціна Севярынца. Ягоны сын – актыўны хрысціянскі вернік Павел Севярынец, які з чэрвеня 2020 года знаходзіцца ў вязніцы.
У сувязі з высокай верагоднасцю таго, што сыну могуць не дазволіць развітацца з уласным бацькам, «Хрысціянская візія» звяртаецца да:
Мітрапаліта Менскага і Заслаўскага, Патрыяршага Экзарха усяе Беларусі Веніяміна,
Архіепіскапа Магілёўскага і Мсціслаўскага Сафронія,
Біскупа Віцебскага, старшыні Канферэнцыі каталіцкіх біскупаў Беларусі Алега Буткевіча,
Апостальскага адміністратара Менска-Магілёўскай архідыяцэзіі, біскупа Казіміра Велікасельца,
Мітрапаліта Менска-Магілёўскага, арцыбіскупа Юзафа Станеўскага,
Апостальскага нунцыя ў Беларусі арцыбіскупа Антэ Ёзіча.
Мы просім хадайнічаць перад Дэпартаментам выканання пакаранняў МУС Беларусі аб тым, каб зняволены ў папраўчай калоніі-17 у Шклове Павел Севярынец мог адведаць пахаванне свайго бацькі Канстанціна.
Пахаванне запланаванае на 10:00 2 кастрычніка ў вёсцы Унорыца Рэчыцкага раёну Гомельскай вобласці.
