Беларуская кампанія з праваслаўным фасадам, але сумнеўнай рэпутацыяй — новае даследаванне «Бюро»

Расследвальнікі падрыхтавалі даследаванне дзейнасці буйной мінскай кампаніі VDS. Яе дырэктар Аляксандр Арцюховіч вядомы сваёй супрацаю з БПЦ. Кампанія і праўда мае вялізны каляцаркоўны фасад: на яе тэрыторыі ёсць нават свая царква і свой духоўнік — протаіерэй Уладзімір Башкіраў.

А намеснікам генеральнага дырэктара па бяспецы там значыцца той самы сумна вядомы пісьменнік Мікалай Гаўрылаў, які штомесяц ездзіць на акупаваныя тэрыторыі Украіны і дапамагае расійскім вайскоўцам ва ўсталяванні акупацыйных парадкаў.

Пры гэтым, як высветліла «Бюро», кампанія працягвае весці праекты — займаецца распрацоўкай і мантажом нафтазаправак — і з падсанкцыйнымі кампаніямі ў Расіі, і з рознымі заказчыкамі ў Еўразвязе.