Палітзняволеным прызнаны праваслаўны музыка, які ствараў калядныя песні

Сёння праваабаронцы прызналі палітзняволенымі шэраг вязняў — сярод іх і гусляр Алесь Чумакоў. Раней яго абвясцілі членам «экстрэмісцкага фармавання» «Да Зораў». Па меркаванні КДБ, туды ўваходзяць ён, а таксама Сямён Малашэнкаў (яго таксама прызналі палітвязнем).

Алесь Чумакоў — майстар-гусляр, адзін з музыкаў гурта «Стары Ольса», праваслаўны вернік. Сярод яго твораў, як мы раней пісалі, ёсць і цыкл калядак.