Яшчэ адну пажылую верніцу з віцебскай глыбінкі будуць судзіць за абразу Лукашэнкі
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
У свой час грамадскасць ускалыхнула навіна пра затрыманне былой настаўніцы, каталічкі з Міёр Эмы Сцепулёнак. Яе затрымалі ў 2021-м па «справе Зэльцэра», далі два гады калоніі па двух артыкулах КК — за абразу Лукашэнкі (ч. 1 арт. 368) і за абразу прадстаўніка ўлады (арт. 369).
Менавіта ў гэтых двух артыкулах вінавацяць 64-гадовую жыхарку в. Гурынава Шумілінскага раёну Зою Баранаву. Пра яе стала вядома толькі зараз, калі яе справа з’явілася ў раскладзе мясцовага суда.
У сакавіку гэтага года жанчыне ўжо давалі 3 сутак арышту за «распаўсюд экстрэмізму», у яе таксама канфіскавалі тэлефон. Магчыма, пасля таго на яе і завялі крымінальную справу.
Як сцвярджае віцебскі тэлеграм-канал, жанчына — праваслаўная верніца, наведвае царкву св. Ануфрыя Вялікага ў суседнім пасёлку Обаль.
