У ксяндзоў-«экстрэмістаў» прыбаўленне
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
Стала вядома, што яшчэ аднога каталіцкага святара збіраюцца судзіць па справе за распаўсюд «экстрэмісцкага кантэнта» — стоўбцаўскага ксяндза Ігара Лашука.
Пра гэта ён паведамляе сам у сацсетцы. Тэлефон у яго ўжо забралі, таму напісаў ён свой пост на кампутары:
— Цікавае сталася сёння са мной. Як бы быў падрыхтаваны, але нечакана.
Магчыма заўтра суд. Дзела зшыта.
Экстрэмальныя каналы Белсат і Радыё Свабода (дарэчы, яго слухаю з 1988 года, яшчэ за саветаў).
Карацей, я экстрэмалістычны ксёндз.
Карацей, ЭКСТРЭМАЛ.😂✊
У каментарах айцец дадае наконт таго, як трымаецца: «Напачатку непрыемна было. Потым паспакайнеў. Бацьку ўспомніў. Яму ўвогуле вышку далі, потым на 25 замянілі».
