«Рускае праваслаўе праваліла тэст і размянялася на мерседэсы»: айцец Аляксандр Кухта — пра веру, царкоўнае маўчанне і вайну

Праваслаўны святар з Беларусі Аляксандр Кухта — адзін з першых айцоў-блогераў, які выкарыстоўвае YouTube для адкрытага дыялогу пра веру і сумленне. Яго канал «Batushka ответит» ператварыўся ў пляцоўку супраціву афіцыйнай царкоўнай рыторыцы.

Кухта падтрымліваў пратэстоўцаў у 2020 годзе, сведчыў пра катаванні, а напярэдадні ўварвання Расіі ў Украіну пакінуў Беларусь. Цяпер служыць у беларускім прыходзе Канстанцінопальскага патрыярхата ў Вільні.

У інтэрв’ю праекту «Очевидцы» святар разважае, чаму РПЦ страціла сумленне, што важней за рытуал — шчырасць перад Богам, і як не страціць веру, калі царква апраўдвае гвалт.