Павел Севярынец узгадаў пераслед вернікаў у рэп-вершы на фэсце «Тутака»
На фэсце «Тутака» пад Беластокам былы палітзняволены Павел Севярынец выступіў са сцэны з уласным рэп-вершам. Паводле яго словаў, тэкст ён напісаў па дарозе з Вільні ў Беласток і паспеў адрэпетаваць яго з дзецьмі.
У вершы гучалі словы пра досвед турмы, беларускую прысутнасць у эміграцыі, рэпрэсіі супраць культуры і надзею на перамогу. Сярод іншых тэмаў Севярынец узгадаў і пераслед вернікаў: арышт ксяндза з Пружанаў і ціск на парафіянаў у Брэсце.
На гэта ён прапанаваў адказваць не страхам, а супольнай малітвай па-беларуску: «Дружна прыйдзем маліцца на мове».
