Палітвязнямі прызналі яшчэ адну сям’ю вернікаў

Праваабарончая супольнасць прызнала палітычнымі зняволенымі Андрэя і Варвару Латышэвічаў. Паводле праваабаронцаў, іх пераслед звязаны з дапамогай украінскім уцекачам.

Вядома, што Андрэй і Варвара Латышэвічы — вернікі, хрысціяне веры евангельскай (пяцідзесятнікі). Шмат гадоў яны займаліся дабрачыннай працай, дапамогай дзецям, сіротам, дзецям з інваліднасцю і выпускнікам інтэрнатаў.

Па папярэдняй інфармацыі, у сакавіку былі затрыманыя некалькі чалавек, якіх абвінавачваюць у «арганізацыі нелегальнай міграцыі».