Каталіцкую верніцу Эму Сцепулёнак асудзілі на два гады калоніі
Арганізацыя"Хрысціянская візія"
Міжканфесійнае аб’яднанне беларускіх хрысціян, створанае на хвалі мірных пратэстаў 2020 г.
Інфармацыя пра «Хрысціянскую візію» Аб'ява аб заснаванні групы Місія групы Іншыя артыкулы
У судзе Мёрскага раёну суддзя Ірына Яскевіч прысудзіла 2 гады калоніі агульнага рэжыму 69-гадовай каталіцкай верніцы Эме Сцепулёнак. Пенсіянерку прызналі вінаватай у нібыта «абразе Лукашэнкі» ды «абразе прадстаўніка ўлады», паведамляе «Вясна».
Былую настаўніцу беларускай мовы і літаратуры затрымалі 29 верасня 2021 года за каментары пасля забойства сілавікамі Андрэя Зельцара. Яе ўтрымлівалі ў СІЗА амаль год. У сярэдзіне верасня 2022-га перавялі на хатні арышт, а судзіць пачалі 10 лістапада. Цяпер пенсіянерку зноў узялі пад варту. З улікам раней праведзенага за кратамі часу спадарыні Эме засталося правесці ў няволі каля 4 месяцаў.
У першы дзень суда жанчыне стала дрэнна, і ёй выклікалі хуткую дапамогу.
