Пантыфік прыняў апостальскага нунцыя ў Беларусі

4 мая Папа Рымскі Леў XIV прыняў на аўдыенцыі апостальскага нунцыя ў Беларусі арцыбіскупа Іньяцыа Чэфаліа.

Як паведамляе прэс-служба Ватыкана, «гэты візіт з’яўляецца часткай рэгулярнага дыялогу паміж Папам і яго прадстаўнікамі, што дазваляе Святому Айцу трымаць руку на пульсе падзей у розных рэгіёнах свету».

Аўтар беларускай службы навін Ватыкана адзначае, што такая сустрэча з’яўляецца сведчаннем таго, што радасці і турботы беларускіх вернікаў застаюцца ў цэнтры ўвагі Папы, а намаганні нунцыя знаходзяць падтрымку на самым высокім узроўні.