Папскі рыцар адкрыў сетку алкакрам «Дуб зялёны»

Бізнэсмэн Аляксандр Зайцаў, рыцар Ордэна св. Грыгорыя Вялікага, запускае новы бізнэс разам з Віктарам Лукашэнкам. Сетка крамаў абвесціла «вялікае падарожжа па гарадах Беларусі».

Таварны знак «Дуб зялёны» Зайцаў зарэгістраваў на сябе асабіста ў ліпені 2023 года, даведалася @buroBY. Першая крама алкагольных напояў адкрылася на радзіме ўласніка ў Пружанах.

Аляксандр Зайцаў атрымаў тытул рыцара Ордэна св. Грыгорыя Вялікага ад папы Францішка ў лістападзе 2022 г. Арцыбіскуп Станеўскі тады асвяціў рэгаліі і прыняў прысягу ад новага кавалера.

Узнагарода шукала рыцара Аляксандра, рыцарская годнасць шукала яго,
— сказаў падчас урачыстасці мітрапаліт Мінска-Магілёўскі.

Зайцаў падтрымліваў шэраг будаўнічых, культурніцкіх і медыйных праектаў католікаў. Адна з найбольш вядомых справаў, якія ажыццяўляліся пры падтрымцы Зайцава, з’яўляецца ютуб-праект PAX TV кс. Юрыя Санько.

Фота: Tut.By