Наша Ніва : Майстра царкоўных купалаў з Брэстчыны асудзілі па «палітычных артыкулах»
56-гадовы дойлід Алег Кінеў з аграгарадка Першамайская (Бярозаўскі раён), які будаваў і рэстаўраваў драўляныя храмы ў Беларусі, Літве, Швецыі і ЗША, атрымаў калонію па чатырох артыкулах — за «абразу Лукашэнкі», «распальванне варожасці», «абразу службовай асобы» і «ўдзел у экстрэмісцкім фармаванні». Тэрмін прысуду невядомы.
Кінеў вядомы як майстар па вырабе купалаў для праваслаўных цэркваў — сярод ягоных прац купалы Патрыяршага прадстаўніцтва РПЦ, вайсковай царквы ў Слоніме і манастыра ў Вірджыніі (ЗША). Ён быў затрыманы напрыканцы 2024 года і цяпер утрымліваецца за кратамі.
