Па-беларуску
Мадэратарка «Хрысціянскай візіі» Наталля Васілевіч прыняла ўдзел у экуменічным набажэнстве да 80-годдзя заканчэння Другой сусветнай вайны
8 траўня ў Берліне адбылося экуменічнае набажэнства, прымеркаванае да 80-годдзя заканчэння Другой сусветнай вайны — аднаго з цэнтральных мерапрыемстваў у дзень Памяці і Вызвалення. У літургіі ўдзельнічалі кіраўнікі асноўных канфесій Германіі: епіскапіня Кірстэн Ферс (Евангеліцкая Царква Германіі), старшыня Канферэнцыі Каталіцкіх біскупаў Нямеччыны біскуп Георг Бэцынг і праваслаўны епіскап Харыапальскі Эмануіл (Сфяткос) Канстанцінопальскага Патрыярхату. На малітве […]
Званы супраць вайны
9 траўня ў 12:00, на 80-годдзе сканчэння Другой сусветнай вайны ў Еўропе, у мностве беларускіх храмаў будуць біць званы. Звон мусіць суправаджацца малітвай за ўсіх загінулых з ліку як вайскоўцаў, так і грамадзянскага насельніцтва. Прапануем усім, хто пачуе ў гэты час звон, на хвіліну спыніцца і прачытаць малітву: «Магутны Божа, Айцец усіх людзей, Які стварыў […]
«Экстрэмісцкім» прызнаны і TikTok ксяндза Вячаслава Барка
2 мая 2025 года суд Дзяржынскага раёна Мінскай вобласці дадаў у спіс так званых экстрэмісцкіх матэрыялаў акаўнт з назвай «ViachaslauBarok» у TikTok. Гэта пры тым, што з кастрычніка 2022 года там нічога не выкладваецца. Поўная гісторыя, як у рэсурсах ксяндза знаходзілі «экстрэмізм», выкладзена тут.
Дзяніс Кучынскі: «Папа Францыск верыў, што дыялог – гэта вырашэнне любога крызісу»
Дэлегацыя беларускіх дэмакратычных сілаў, у якую ўвайшлі дыпламатычны дарадца Святланы Ціханоўскай і прадстаўнікі арганізацыі «Хрысціянская візія», узяла ўдзел у жалобнай цырымоніі развітання з пантыфікам Францыскам у Ватыкане, паведамляе канал Светлана Тихановская. Чальцы дэлегацыі выказалі спачуванні прадстаўнікам Святога Прастола, а таксама далучыліся да памінальнай імшы на пляцы каля Сабора Святога Пятра. Пасля цырымоніі Дзяніс Кучынскі меў […]
Святлану Ціханоўскую запрасілі на пахаванне Папы Рымскага
Святлана Ціханоўская атрымала запрашэнне ад Святога прастола сфармаваць дэлегацыю ад дэмакратычных сілаў Беларусі на пахаванне Папы Рымскага Францішка ў Ватыкан, якая адбудзецца раніцай у суботу. Ціханоўская даручыла Дзянісу Кучынскаму, дыпламатычнаму дарадцу, узначаліць дэлегацыю і ўзяць удзел у афіцыйных мерапрыемствах з нагоды пахавання Папы. Дзяніс Кучынскі – практыкуючы рыма-каталік, на працягу апошніх гадоў адказваў у Офісе […]
Новая інфармацыя пра а. Сяргея Трысценя
Сёння некалькі крыніц паведамілі пра затрыманне а. Сяргея Трысценя. На дадзены момант так і не атрымалася дакладна спраўдзіць, што адбывалася са святаром сёння, але вядома, што святар знаходзіцца дома.
Стала вядома пра затрыманне каталіцкага святара а. Сяргея Трысценя OCD
Некалькі незалежных крыніц паведамілі пра сённяшняе затрыманне чарговага каталіцкага святара – гэтым разам ахвярай сілавікоў стаў а. Сяргей Трысцень, настаяцель манаскай супольнасці кармелітаў босых ў Мінску, дырэктар Школы сямейнага жыцця, выкладчык Мінскага тэалагічнага каледжа святога Яна Хрысціцеля. Нагода для затрымання і ягоныя прычыны застаюцца невядомымі.
Пастара з Хойніцкага раёна затрымалі па крымінальнай справе — абвінавачваюць у перадачы звестак пра расійскую тэхніку
У Беларусі затрымалі евангельскага пастара Алега Лойку з вёскі Небытаў Хойніцкага раёна. Паводле інфармацыі, яго абвінавачваюць у перадачы інфармацыі пра перамяшчэнне расійскай вайсковай тэхнікі на тэрыторыі краіны. 48-гадовы пастар шмат гадоў служыў у мясцовай царкве хрысціян веры евангельскай і займаўся рэабілітацыяй залежных у межах хрысціянскай місіі «Вяртанне». У дзясятках дзяржаўных СМІ пра яго пісалі як […]
У Беларусі «экстрэмісцкай» прызналі Instagram-старонку пратэстанцкай верніцы-беларускі
16 красавіка 2025 года суд Маладзечанскага раёна прызнаў экстрэмісцкім матэрыялам Instagram-акаўнт беларускай верніцы-пратэстанткі Алесі Мерынавай — @alesia.mierynava. Алеся жыве ў Варшаве. Дзяўчына нярэдка на сваёй старонцы выказваецца на хрысціянскія тэмы.
