«Час прачнуцца дзеля Беларусі». Аўтарытэтны польскі каталіцкі часопіс заклікае да большай падтрымкі беларусаў
Новы нумар аўтарытэтнага польскага каталіцкага часопіса «Przewodnik katolicki» выходзіць з рэдакцыйным артыкулам «Час прачнуцца дзеля Беларусі».
«Вокладка гэтага нумара нашага часопіса з’яўляецца своеасаблівым маніфестам. Мы хочам выказаць падтрымку беларусам у іх барацьбе за свабоду. Хацелася б адразу адзначыць, што гаворка ідзе не пра тое, каб заклікаць да сумлення нашага ўраду і міжнароднай супольнасці, гаворка ідзе пра стаўленне ўсіх нас, звычайных людзей.»
«Ці будзем мы рабіць выгляд, што праблемы няма? Што Беларусь далёка? Што сёння няма шанцаў, каб сітуацыя беларусаў змянілася да лепшага? Давайце не будзем занадта лёгка здымаць з сябе адказнасць.»
