Пуцін узнагародзіў Гаўрыілу і Лемяшонка «за захаванне рускай культуры»
Як заўважыў тэлеграм-канал Słuchać hadko! (былы Rerum Novarum), найбольш вядомыя прапагандысты рускага свету ў БПЦ атрымалі дзяржаўныя ўзнагароды ад Пуціна.
Паводле афіцыйнага ўказу № 728 ад 15 кастрычніка 2025 года, апублікаванага на партале прававых актаў, медалём Пушкіна «за вялікі ўклад у захаванне і папулярызацыю рускай мовы і культуры за мяжой» адзначаны настаяцельніца Ражджаство-Багародзічнага манастыра ў Гродне ігумення Гаўрыіла (Глухова) і клірык мінскага Елісавецінскага манастыра, пратаіерэй Андрэй Лемяшонак.
