Маскі-шоў ладзілі сілавікі пры затрыманні ксяндза ў Мінскай вобласці
«Вясна» паведамляе пра абставіны затрымання пробашча парафіі ў Альковічах Вілейскага раёна Анатоля Парахневіча.
Да яго раніцай прыехалі некалькі машын, усе супрацоўнікі былі ў масках — з’ехалі яны толькі пад вечар.
Дом святара апячаталі – сілавікі нешта шукалі і ў касцёле. Касцёл цяпер закрыты, бо парафіяне не маюць ключоў.
Раней дзяржаўная прапаганда ўжо згадвала ксяндза ў негатыўным кантэксце — пасля ўдзелу ў прыёме з нагоды Дня Канстытуцыі Польшчы, які прайшоў ва ўкраінскай амбасадзе ў Мінску, спрабуючы выставіць гэта як нешта падазронае.
