Імунітэту няма ні ў кога: Наталля Васілевіч — пра пераслед святароў у Беларусі

«Улады імкнуцца пераследваць любых рэлігійных дзеячаў, пра каго ёсць падазрэнне ў нелаяльнасці, і імунітэту няма ні ў кога», — адзначае для Еўрарадыё тэалагіня і праваабаронца Наталля Васілевіч.

Паводле яе, у сілавікоў няма ніякага піетэту ні перад каталіцкім ксяндзом, ні перад праваслаўным святаром. «І аднаго, і другога могуць катаваць, здзекавацца з іх, прыніжаць».

Экспертка звяртае ўвагу, што рэпрэсіі развіваюцца хвалямі і маюць назапашвальны эфект — усё больш людзей трапляюць пад пераслед, усё больш вымушаныя з’язджаць, і ўсё менш застаецца магчымасцяў, каб даведацца пра сапраўдны маштаб гвалту.