Пікетаваў з плакатам каля будынка Мёрскага райвыканкама: падрабязнасці абвінавачвання каталіцкага актывіста
Нагадаем, нядаўна стала вядома, што былога палітвязня з Мёраў, актывіста Беларускай Хрысціянскай Дэмакратыі Сяргея Васільева зноў судзілі.
Апублікаваная пастанова суда. Згодна ёй Васільеў 7 красавіка 2024 года стаяў з плакатам каля ўвахода ў будынак Мёрскай адміністрацыі. Што было зместам надпісу на плакаце, невядома.
На судзе 10 красавіка актывіст пацвердзіў, што стаяў з плакатам. У выніку суддзя Яскевіч Ірына арыштавала мужчыну на 15 сутак.
Васільеў, нагадаем, быў затрыманы ў жніўні 2021 года і асуджаны ў снежні таго ж года да 3 гадоў «хіміі» за «паклёп» у адрас Лукашэнкі. Пасля вызвалення жыве ў Мёрах.
