ПЕРАСЛЕД

У Віцебску затрыманы грэка-каталіцкі вернік Барыс Хамайда
Хваля затрыманняў прайшлася сёння па многім гарадам. У Віцебску, як паведамляе «Вясна», затрыманы 76-гадовы гарадскі актывіст Барыс Ханонавіч Хамайда.

Беларусь стала ў 2023 годзе другой краінай у свеце па колькасці арыштаваных ксяндзоў
Гэта вынікае са справаздачы арганізацыі Aid to the Church in Need. У Беларусі за кратамі летась аказаліся 10 каталіцкіх святароў. Яшчэ напрыканцы года трое з іх заставаліся ў турме. На першым месцы ў гэтым сумным лідэрстве Нікарагуа — там летась арыштавалі 46 каталіцкіх святароў.

Каталіцкі вернік Арцём Кабылкоў атрымаў за «экстрэмізм» штраф
Сілавікі, нагадаем, не змаглі запісаць з вяскоўцам з Шумілінскага раёну пакаяльнае відэа. Сталі вядомыя вынікі яго затрымання. Яго судзіла, меркавана, суддзя суда Шумілінскага раёну Сініцкая Алена. Яна аштрафавала маладога чалавека на 555 рублёў. Нагодай стала тое, што ў сацсеткі «Вконтакте» мужчына размясціў фотаздымак з лагатыпам «ТUT.BY» і публікацыю «Zerkalo.io».

Затрыманы гродзенскі праваслаўны вернік
4 студзеня ў Гродна быў затрыманы завадчанін Максім Коршак, паведамляе «Наша Ніва». Хлопца абвінавачваюць у «распаўсюдзе экстрэмісцкіх матэрыялаў» і рэгістрацыі ў чат-боце плана «Перамога». Максім Коршак — беларускамоўны гродзенец з праваслаўнай сям’і. Мае рэпутацыю шчырага і сумленнага чалавека. Наведваў набажэнствы ў Занёманскай Свята-Уладзімірскай царкве.

Арыштаваны пастар Верамейкаўскай пратэстанцкай абшчыны ЕХБ Раман Раждзественскі
БСДП (Грамада) паведаміла, што ў Чэрыкаве быў асуджаны на 14 сутак адміністрацыйнага арышту Раман Раждественскі. Нагода — распаўсюд «экстрэмісцкіх» матэрыялаў. У сакавіку 2022 года яго таксама затрымлівалі, тады па такім жа артыкуле яму далі штраф і канфіскавалі ноўтбук.

«Режиму нужны «церкви, костелы — не для политики»: мнение теолога и политолога о новом законе о религии
Чтобы избежать повторения мирных протестов и отомстить народу за нелояльность, была поставлена задача «зачистить» всё живое, независимое. Сфера религии также попала в поле зрение репрессивной машины, пишет политолог, теолог Наталля Василевич в своей колонке для DW.

Сацсеткі ксяндза Вячаслава Барка прызнаныя «экстрэмісцкімі» матэрыяламі
Гэта фэйсбук, ютуб і тэлеграм-канал святара. Адпаведнае рашэнне прыняў 26 снежня 2023 года суд Чыгуначнага раёну г. Віцебска. Раней розныя відэаролікі з удзелам ксяндза неаднаразова ўжо дадаваліся ў спіс «экстрэмісцкіх» матэрыялаў.

Затрыманы каталіцкі вернік Арцём Кабылкоў
У тэлеграм-канале віцебскіх сілавікоў з’явілася відэа з затрыманым. Сілавікі не змаглі зняць з ім «пакаяннае» відэа, мужчына адмовіўся каментаваць на камеру. Арцём Кабылкоў паходзіць з Ульскай парафіі, з’яўляецца актыўным вернікам, ходзіць у пілігрымкі, быў членам моладзевага душпастырства і пэўны час навучаўся ў Пінскай духоўнай семінарыі. Хлопец жыў у невялічкай вёсачцы ў Віцебскай вобласці. «Спадзяюся мае […]

За «экстрэмізм» затрыманыя каталіцкія вернікі
У Лідзе затрыманы бард Сяргей Чарняк. Яшчэ два тыдні таму яго брутальна выводзілі з працоўнага месца. Цяпер вядома, што яго арыштавалі на 15 сутак, меркавана, па арт. 19.11 КаАП (распаўсюд «экстрэмісцкіх» матэрыялаў). А ў Паставах за гэты ж артыкул на 555 руб. аштрафавалі выхавальніцу Цэнтра карэкцыйна-развіваючага навучання і рэабілітацыі Пастаўскага раёна Наталлю Сідлярэвіч. Таксама ў […]