Хрысціяне за кратамі
Затрымана каталіцкая верніца Аксана Ючкавіч
Былую журналістку catholic.by затрымалі ўчора. Аксана Ючкавіч паходзіць з парафіі ў Парафіянаве. Верніца асабліва вядомая сярод каталікоў Мінску, дзе яна арганізоўвала шматлікія падзеі і мерапрыемствы. Фота: сацыяльныя сеткі Аксаны Ючкавіч
У Віцебску затрыманы грэка-каталіцкі вернік Барыс Хамайда
Хваля затрыманняў прайшлася сёння па многім гарадам. У Віцебску, як паведамляе «Вясна», затрыманы 76-гадовы гарадскі актывіст Барыс Ханонавіч Хамайда.
Белсат: У Віцебскай калоніі зладзілі падпольны Касцёл
Выданне запісала гісторыю былога вязня і каталіцкага верніка Сяргея Сабалеўскага. «На «Віцьбе» сядзіць дастаткова каталікоў, але святароў да іх не пускаюць. Начальнік палітаддзелу калоніі на запыты зняволеных вернікаў адказваў, што біскуп Буткевіч памёр (супрацоўнік калоніі «некалькі разоў так «хаваў» біскупа») і што ніхто з ксяндзоў да іх не хоча ехаць. Усё гэта было няпраўдай», — […]
Каталіцкі вернік Арцём Кабылкоў атрымаў за «экстрэмізм» штраф
Сілавікі, нагадаем, не змаглі запісаць з вяскоўцам з Шумілінскага раёну пакаяльнае відэа. Сталі вядомыя вынікі яго затрымання. Яго судзіла, меркавана, суддзя суда Шумілінскага раёну Сініцкая Алена. Яна аштрафавала маладога чалавека на 555 рублёў. Нагодай стала тое, што ў сацсеткі «Вконтакте» мужчына размясціў фотаздымак з лагатыпам «ТUT.BY» і публікацыю «Zerkalo.io».
Затрыманы гродзенскі праваслаўны вернік
4 студзеня ў Гродна быў затрыманы завадчанін Максім Коршак, паведамляе «Наша Ніва». Хлопца абвінавачваюць у «распаўсюдзе экстрэмісцкіх матэрыялаў» і рэгістрацыі ў чат-боце плана «Перамога». Максім Коршак — беларускамоўны гродзенец з праваслаўнай сям’і. Мае рэпутацыю шчырага і сумленнага чалавека. Наведваў набажэнствы ў Занёманскай Свята-Уладзімірскай царкве.
Арыштаваны пастар Верамейкаўскай пратэстанцкай абшчыны ЕХБ Раман Раждзественскі
БСДП (Грамада) паведаміла, што ў Чэрыкаве быў асуджаны на 14 сутак адміністрацыйнага арышту Раман Раждественскі. Нагода — распаўсюд «экстрэмісцкіх» матэрыялаў. У сакавіку 2022 года яго таксама затрымлівалі, тады па такім жа артыкуле яму далі штраф і канфіскавалі ноўтбук.
Затрыманы каталіцкі вернік Арцём Кабылкоў
У тэлеграм-канале віцебскіх сілавікоў з’явілася відэа з затрыманым. Сілавікі не змаглі зняць з ім «пакаяннае» відэа, мужчына адмовіўся каментаваць на камеру. Арцём Кабылкоў паходзіць з Ульскай парафіі, з’яўляецца актыўным вернікам, ходзіць у пілігрымкі, быў членам моладзевага душпастырства і пэўны час навучаўся ў Пінскай духоўнай семінарыі. Хлопец жыў у невялічкай вёсачцы ў Віцебскай вобласці. «Спадзяюся мае […]
За «экстрэмізм» затрыманыя каталіцкія вернікі
У Лідзе затрыманы бард Сяргей Чарняк. Яшчэ два тыдні таму яго брутальна выводзілі з працоўнага месца. Цяпер вядома, што яго арыштавалі на 15 сутак, меркавана, па арт. 19.11 КаАП (распаўсюд «экстрэмісцкіх» матэрыялаў). А ў Паставах за гэты ж артыкул на 555 руб. аштрафавалі выхавальніцу Цэнтра карэкцыйна-развіваючага навучання і рэабілітацыі Пастаўскага раёна Наталлю Сідлярэвіч. Таксама ў […]
Палітзняволенай прызнана Кацярына Цэван
Палітзняволенай прызнана Кацярына Цэван — пры затрыманні сілавікі ёй ставілі ў віну выкананне рэлігійнага гімна «Магутны Божа» Па сцвярджэнні праўладных тэлеграм-каналаў яна спявала вядомы гімн на прыступках філармоніі ў жніўні 2020 года. Кацярына ўтрымліваецца ў СІЗА. Разгляд справы прызначаны на 27 снежня 2023 года ў судзе Заводскага раёна Мінска. Справу будзе разглядаць суддзя Алена Капцэвіч.
