Марыянін з Мінску напісаў:

“Я, грамадзянін Рэспублікі Беларусь і каталіцкі святар, выступаю супраць саўдзелу Беларусі ў ваеннай агрэсіі Расіі супраць Украіны.

Я патрабую вываду расійскіх войскаў з тэрыторыі Беларусі. Я хачу, каб мая краіна стала тэрыторыяй бяспекі і не прымала ўдзелу ў вайне.

Зусім нядаўна ў Росіцы мы ўспаміналі страшэнную трагедыю вайны і мужную ахвяру нашых айцоў-марыянаў. Праз некалькі дзён пасля урачыстасцей гэтая гісторыя нажаль стала рэальнасцю. Так быць не павінна!

Мае сабраты – марыяне служаць ва Украінскіх гарадах. У Харкаве нашыя айцы разам з вернікамі мужна сустракаюць увесь жах вайны.

Молімся за іх асабліва праз заступніцтва благаслаўлёных Росіцкіх Мучанікаў. Благаслаўлёныя Юры і Антоні, маліцеся за Украіну! Маліцеся за нас!”