Суд Лідзкага раёну 16 кастрычніка прызнаў яе вінаватай ва ўдзеле ў недазволеным масавым мерапрыемстве 1 верасьня.

Ірэна Бярнацкая разам з паплечнікамі ад 12 жніўня малілася на ружанцы каля Фарнага касьцёла ў Лідзе за Беларусь. Вернікі станавіліся на калені каля крыжа і праводзілі набажэнства.

Калі мітрапаліта Тадэвуша Кандрусевіча не пусьцілі ў Беларусь, каталікі сталі маліцца таксама аб тым, каб герарх як найхутчэй вярнуўся на радзіму.

Суд на Ірэнай Бярнацкай пачаўся ў канцы верасьня. Справу аддавалі на дапрацоўку, судовае паседжаньне пераносілі.

За ўдзел у малітве каля лідзкага касьцёла раней аштрафавалі таксама лідзяніна Аляксандра Залетава.

Радыё Свабода

Судзьдзя Лідзкага раённага суду Ўладзімер Федаровіч заявіў, што маліцца ў Беларусі законна, таму адхіліў прэтэнзіі міліцыі. Справа прыпыненая да вынясеньня праваахоўнікамі канкрэтных абвінавачаньняў. Калі гэтага ня будзе, справу спыняць.

Як нагадвае рэсурс katolik.life, міліцыя звярнулася ў раённы суд з патрабаваньнем пакараць чальца Саюзу палякаў Беларусі Ірэну Бернацкую за малітву на каленях перад касьцёлам аб вяртаньні на радзіму арцыбіскупа Тадэвуша Кандрусевіча.

На яе склалі некалькі адміністрацыйных пратаколаў за «парушэньне парадку правядзеньня масавага мерапрыемства».

28 верасьня суд пачаў разглядаць адміністрацыйную справу. Першы працэс скончыўся тым, што пратакол накіравалі на дапрацоўку. 30 верасьня жанчыну зноў выклікалі ў суд, але судзьдзя не знайшоў падставаў для пакараньня.

31 жніўня лідэра беларускіх каталікоў мітрапаліта Менска-Магілёўскага Тадэвуша Кандрусевіча не пусьцілі ў Беларусь, калі ён вяртаўся з Польшчы, нягледзячы на тое, што ён грамадзянін Беларусі.

Радыё Свабода

28 верасня ў Лідзе суд разглядаў адміністрацыйную справу ў дачыненні да каталіцкай верніцы Ірэны Бярнацкай. У дачыненні да яе склалі некалькі адміністрацыйных пратаколаў за парушэнне парадку правядзення масавага мерапрыемства. Першы працэс скончыўся тым, што суд накіраваў пратакол на дапрацоўку. Аднак ужо 30 верасня жанчыну зноў выклікаюць у суд на разгляд чарговага пратаколу.

Пра падрабязнасці Katolik.life распавяла Вераніка, дачка пані Ірэны. Паводле яе, пасля масавага збіцця дэманстрантаў, 12 жніўня жанчыны ў Лідзе выйшлі на акцыю супраць гвалту:

– Сабраліся каля касцёла, там было бяспечней. Жанчыны з супольнасці “Маці ў малітве” вырашылі пачаць маліцца за Беларусь Пампейскай навэннай. Малітву чыталі на вуліцы, ля фарнага касцёла. Усе дні маліліся і ўсе дні ездзілі патрульныя машыны і папярэджвалі аб несанкцыянаваным масавым мерапрыемстве. Здымалі на камеру, але пратаколы не пісалі на жанчын, якія маліліся.

Аднак 1 верасня да жанчын пад’ехала машына міліцыі, усіх пачалі здымаць на відэа.

– Жанчыны сталі адварочвацца, пачалася сварка. Падышлі мужчыны, і міліцыя пачала іх затрымліваць. Спрабавалі канструктыўна пагаварыць: на падставе чаго затрыманне, чаму нельга збірацца жанчынам. Я адразу ж была «пазначаная» як тая, хто задае правакацыйныя пытанні, – працягвае Вераніка. – Я заступілася за мужчыну, якога схапілі без прычыны. Падбеглі жанчыны, якія маліліся, з ружанцамі. Мая мама і яшчэ адна жанчына проста паднялі ружанцы да вачэй міліцыянтаў і пачалі казаць пра сумленне, пра грэх.

Неўзабаве пані Ірэну пачалі выклікаць у міліцыю, 28 верасня адбыўся першы суд, які пастанавіў адправіць пратакол на дапрацоўку. Мяркуючы па ўсім, Ірэну чакаюць тры новыя суды – яшчэ столькі пратаколаў склалі ў дачыненні да яе ў міліцыі.

katolik.life