<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>Анатоль Кудласевіч &#8211; Царква і палітычны крызіс у Беларусі</title>
	<atom:link href="https://belarus2020.churchby.info/tag/anatol-kudlasevich/feed/" rel="self" type="application/rss+xml" />
	<link>https://belarus2020.churchby.info</link>
	<description></description>
	<lastBuildDate>Fri, 08 Oct 2021 13:28:06 +0000</lastBuildDate>
	<language>be</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=7.1.4</generator>

<image>
	<url>https://belarus2020.churchby.info/wp-content/uploads/2021/10/cropped-cropped-logo-100x100.jpg</url>
	<title>Анатоль Кудласевіч &#8211; Царква і палітычны крызіс у Беларусі</title>
	<link>https://belarus2020.churchby.info</link>
	<width>32</width>
	<height>32</height>
</image> 
	<item>
		<title>Былога старасту аднаго з мінскіх праваслаўных прыходаў Анатоля Кудласевіча аштрафавалі</title>
		<link>https://belarus2020.churchby.info/byloga-starastu-adnago-z-minskih-pravaslaunyh-pryhodau-anatolja-kudlasevicha-ashtrafavali/</link>
		
		<dc:creator><![CDATA[Дмитрий Корнеенко]]></dc:creator>
		<pubDate>Thu, 30 Sep 2021 14:16:00 +0000</pubDate>
				<category><![CDATA[Па-беларуску]]></category>
		<category><![CDATA[ПЕРАСЛЕД]]></category>
		<category><![CDATA[Праваслаўная Царква]]></category>
		<category><![CDATA[Анатоль Кудласевіч]]></category>
		<guid isPermaLink="false">https://belarus2020.churchby.info/?p=6200</guid>

					<description><![CDATA[29 верасня знік бард Анатоль Кудласевіч. Жонка прыйшла з працы і ўбачыла разгромленую кватэру. Пазней Кудласевіч знайшоўся, яго асудзілі па 24.23, аштрафавалі на 2900 рублёў і адпусцілі. Кудласевіч распавёў «Нашай Ніве», што гэта было: «Учора каля 12 гадзіны дня я спакойна сядзеў дома, глядзеў якраз аналіз роліка пра забойства кадэбіста. Раптам грукаюць у дзверы: адчыняйце, [&#8230;]]]></description>
										<content:encoded><![CDATA[
<p class="wp-block-paragraph">29 верасня <a href="https://d3rebrwga7u6ai.cloudfront.net/?c=ar&amp;i=278598">знік бард Анатоль Кудласевіч</a>. Жонка прыйшла з працы і ўбачыла разгромленую кватэру. Пазней Кудласевіч знайшоўся, яго асудзілі па 24.23, аштрафавалі на 2900 рублёў і адпусцілі. Кудласевіч распавёў «Нашай Ніве», што гэта было: «Учора каля 12 гадзіны дня я спакойна сядзеў дома, глядзеў якраз аналіз роліка пра забойства кадэбіста. Раптам грукаюць у дзверы: адчыняйце, міліцыя!»</p>



<p class="wp-block-paragraph">«Я адчыніў, мне крычаць: «На падлогу!», залятаюць у экіпіроўцы, у бронекамізэльках чатыры чалавекі з ГУБАЗ. Я лёг на падлогу, мне чымсьці пачалі свяціць у вочы, рукі за спіну і накінулі кайданкі. <br></p>



<p class="wp-block-paragraph">Паказалі нейкую пастанову на вобшук ад 7 верасня, што за крымінальная справа, я так і не зразумеў, нейкая ці то віцебская, ці то магілёўская. Я пытаўся, мне канкрэтна не сказалі, — кажа Анатоль Кудласевіч. — Пасля пачаўся вобшук. Мне некалькі месяцаў таму КДБ рабіў вобшук, дык тое было культурна, шуфлядку адчыняць, паглядзяць — зачыняць.&nbsp;</p>



<p class="wp-block-paragraph">А гэтыя каву павысыпалі, муку, крупы, цукар, кніжкі з паліц паскідвалі, нават не праглядалі іх.<br></p>



<figure class="wp-block-image"><img decoding="async" src="https://d3rebrwga7u6ai.cloudfront.net/img/w924d4/photos/z_2021_09/2021-09-30170134-5img2.jpg" alt=""/><figcaption> Кухня Кудласевіча пасля ператрусу. </figcaption></figure>



<p class="wp-block-paragraph">Проста рылі ўсё, зрывалі, ламалі. Гітару разбілі: убачылі на ёй бела-чырвона-белы матузок і з крыкам: «Гэта бэчэбэшная гітара!» — бах! бах! яе. </p>



<p class="wp-block-paragraph">Я нават сказаў: «Ты што робіш, гітара старэйшая за цябе, сумлення ў вас няма!» То мяне адзін раз нават ударылі далонню.</p>



<p class="wp-block-paragraph">Але я спакойна сябе паводзіў, мо іх тое таксама раз&#8217;ятрывала.</p>



<p class="wp-block-paragraph">Што яны шукалі, я не ведаю. Я іх папярэдзіў: «Раней у мяне праводзілі вобшук работнікі КДБ, можа, што падкінулі». Але гэтыя адказваюць: «Нічога вам не падкінулі, мы нічога не знайшлі».&nbsp;</p>



<p class="wp-block-paragraph">Прычым я сядзеў у пакоі з тым, хто афармляў паперы, на кухні яны самі знаходзіліся. Я ўбачыў, што там нарабілі, толькі пасля, калі далі зайсці і лекі з сабою ўзяць. Сказаў ім тады: «Калі не вып’ю таблеткі, то я труп. Вам жа не трэба другі Ашурак?»</p>



<p class="wp-block-paragraph">Забралі тры ноўтбукі, тэлефоны, розныя эмблемы з «Пагоняй», усякае такое.</p>



<p class="wp-block-paragraph"><p>Сцяжок на лоджыі ў мяне ляжаў, яны запхалі мне яго за каўнер і фатаграфуюць мяне. Знайшлі сіні дынамаўскі шалік стары, на ім таксама «Пагоня», дык той шалік мне на шыю накінулі і таксама фатаграфавалі. </p>Пасля мяне павезлі ў будынак ГУБАЗіК на Рэвалюцыйнай. Пагаварылі там са мною, пераконвалі: «Вы, бэчэбэшнікі, зомбі ўсе, хочаце рэвалюцыі, крыві, вайны…» А я свае аргументы ім.</p>



<figure class="wp-block-image"><img decoding="async" src="https://d3rebrwga7u6ai.cloudfront.net/img/w924d4/photos/z_2021_09/photo_2021-09-30115708-nb92i.jpeg" alt=""/></figure>



<p class="wp-block-paragraph"><a rel="noreferrer noopener" href="https://d3rebrwga7u6ai.cloudfront.net/?c=ar&amp;i=278623&amp;mo=a875b3ee8670191595e5d64411f0b90221128f84" target="_blank"></a>Тады адзін спытаўся, ці не хачу я для БТ нешта сказаць? Я не ведаю, чаму і пагадзіўся, хвіліны паўтары на камеру выказаўся. Расказаў, што падпісаны на некаторыя тэлеграм-каналы, бо манітору ўсю інфармацыю. А што мне хаваць? Гэта ж не забаронена. </p>



<p class="wp-block-paragraph"> <p>Пасля іншы, старшы па званні, таксама пачаў са мной гаварыць, маўляў, бэчэбэшнікі рацыі не маюць. Ён мяне хвілін 15 здымаў, задаваў пытанні: пра Ціханоўскага, Ціханоўскую, пра Пазняка.</p>Кажа: «Ціханоўская ж лялькавод». Я адказваю: «Яна не хацела нікуды лезці, сітуацыя яе вымусіла». Ну і гэтак далей у такім духу.</p>



<p class="wp-block-paragraph">Пасля, праўда, я падумаў: выражуць жа і змантуюць пасля так, як ім трэба. Але казаў я ўсё тое, што звычайна кажу, не крывіў душою. А чаго мне баяцца? Я ж не краў, не забіваў.</p>



<p class="wp-block-paragraph">Затым мяне адвезлі ва Фрунзенскі РАУС. Там мне напісалі адміністратыўнае парушэнне: тыпу я вывесіў бела-чырвона-белы сцяг з «Пагоняй» на лоджыі. Нейкія патрульныя тыпу ішлі і ўбачылі.</p>



<p class="wp-block-paragraph">І фота нават далучылі — але ж у мяне такога сцяга, каб з «Пагоняю», ніколі не было. Прыглядзеўся: лоджыя мая, а сцяг прыфоташопілі. </p>



<p class="wp-block-paragraph">Затым мяне ў стакан, там нас было трое. Адзін з хлопцаў — Лінаў? Лінёў? — атрымаў пасля 15 сутак за тое, што ў яго машыне ляжала падушка з «Пагоняй».&nbsp;</p>



<p class="wp-block-paragraph">Пасля павезлі на Акрэсціна, але я паказаў пасведчанне інваліда другой групы, то мяне вярнулі назад ва Фрунзенскі. Таблеткі далі, у прыбіральню звадзілі.&nbsp;</p>



<p class="wp-block-paragraph">І там на наступны дзень суд па скайпе. Мне штраф 100 базавых. Мяркую, гэта ўсё было загадзя вырашана, бо міліцыянт, які складаў пратакол на мяне, так і казаў: «Улепяць вам 100 базавых і паедзеце дахаты заўтра».</p>



<p class="wp-block-paragraph">100 базавых для мяне вялікая сума, 2900 рублёў. У мяне група інваліднасці не дае магчымасці працаваць, пенсія па інваліднасці — 500 рублёў. Вось і ўвесь мой даход. Як буду плаціць штраф? Ды не ведаю».<br></p>



<p class="wp-block-paragraph"><a rel="noreferrer noopener" href="https://d3rebrwga7u6ai.cloudfront.net/?c=ar&amp;i=278623" target="_blank">Наша Ніва</a></p>



<p class="wp-block-paragraph">Кудласевіч — бард, пісьменнік, былы стараста Міхайлаўскага праваслаўнага прыхода ў Мінску. Анатоль Кудласевіч мае інваліднасць другой групы: у яго выдаленае адно лёгкае. Таксама ў мужчыны праблемы з ціскам. Негледзячы на гэта, пісьменніка ноч да суда ўтрымлівалі на Акрэсціна.</p>
]]></content:encoded>
					
		
		
			</item>
	</channel>
</rss>
